Өрөмдлөгийн ажлын үр дүнгээр ашигт малтмалын эдийн засгийн үр өгөөжтэй хэсгүүдийн байршлыг тодорхойлох бөгөөд эрэл хайгуулын төлөвлөлт болон таамаглалын шатны хийсэн урьдчилсан мэдээ, таамгуудыг баталгаажуулдаг. Өрөмдлөгийн ажлыг гүйцэтгэдэг олон төрлийн технологийн аргачлалууд байдаг ч ашигт малтмалын эрэл хайгуулын салбарт дараах гурван аргачлалуудыг түгээмэл хэрэглэж байна. Өрөмдлөгийн зардал өсөх дарааллаар шнекен өрөмдлөг, хийн цохилтот болон гулуузан дээжтэй өрөмдлөгийн арга гэж ангилж байна.