Дэлхийн царцдасын геологийн тогтоц, ашигт малтмалын ордын эрэл, хайгуулын ажилд өргөн хэрэглэгддэг геофизикийн аргуудын нэг бол цахилгаан хайгуулын арга юм. Газрын доорхи хурдас чулуулаг нь үе давхрага үүсгэн давхарлан оршихдоо чийг агууламж, эрдэсжилтийн ширхэг ба хэмжээ, температур, нягтаршилт ба сэвсгэр хурдас мөн чулуулгийн нас зэрэг байгалийн олон хүчин зүйлээс шалтгаалж харилцан адилгүй төлөөлөх эсэргүүцэл ба туйлшралын физик шинж чанартай болсон байдаг. Газрын доорхи усны эрэл хайгуулд геофизикийн цахилгаан босоо тандалт арга буюу /ВЭЗ/ өргөн хэрэглэгддэг ба уст цэгийн гүнийг болон үе давхаргыг баталгаажуулдаг.